LANDER ZURUTUZA SUNSUNDEGI
Beste lezoar bati esker dugu XVI. mendean bizi izan zen Jaimes de Zamoraren berri. Garaikideek gure zientzia-gizonaren gainean egindako aipamen bakarra Lope de Isastiri zor baitiogu. Noski, herrikideari zegokion lekua eskaini zion, 1625-1626 urteetan idatzi eta 1850ean argia ikusi zuen Compendio Historial de Guipúzcoa mamitsu horretan (649. orrialdea).
1568an Jaimes de Zamora Lezoko etxe baten jabe zen. Eta 1580an herriko lonjaren ardura izan zuen, bertako pisua kudeatuz.
Jaimes de Zamora garaiko euskal pilotuen artean nabarmendu zen. Pilotu nagusi izateaz gain tratatu tekniko bat ere idatzi baitzuen, Mareas derrotas izenekoa, gerora nabigatu zuten pilotuek baliatu zutena. Zoritxarrez gaur egun lan hori galdutzat eman daiteke, betirako —baldin eta inork Ingalaterrako gaztelu zaharren bateko liburutegian edo, kasu, topatzen ez badu—. Baina, Isasti berari esker, badakigu hainbat arruta bildu zituela bertan; hain zuzen ere Florida, Flandria, Ingalaterra, Irlanda, Eskozia, Norvegia eta Espainiako itsasbazterretakoak, eta Mediterraneo itsasokoak.
Gaur egungo idazleen artean Julio Caro Barojak egin du gure herritarraren aipamena, Los vascos y el mar liburuan kosmografoei eskainitako atalean (88. orrialdea).
Lezoko Portua 
Egunon, Lander,
Eguberri eta Urteberri on.
Eta bilatuko balitz Salamancako Unibertsitateko eskuzkribuen artean?
Ongi ibili eta laster arte.
Patri.
Atsegin dutAtsegin dut
Aho zabalik utzi nau, guztiz, zeharo harrituta; hau bai izugarrizko lana da. Hau guztia egiteko maitasuna behar da, bestela jai dugu. Eguberri on laster arte aiooo………
Atsegin dutAtsegin dut
Kaixo,
Informazio horrekin Wikipediako artikulua sortu dut Wikipedian:
https://eu.wikipedia.org/wiki/Jaimes_de_Zamora
Hemengo erreferentzia ondo eginda, noski!
Wikipediako Lezo artikuluan, lezoar ospetsuen zerrendan honako erreferentzia ere gehitu dut
Horrelako gehiago egin dezakezue.
Aupa zuek, lan ederra egiten duzue eta!
Atsegin dutAtsegin dut